鄺俊宇 VS 捉紅燈死差佬!!!

平時都好憎D民屎黨擺街,(PS我是CABLE佬)嘈住我地無生意,但今日喺元朗匯豐有個鄺俊宇 VS 死差佬就好鬼得!!件事係呢個鄺生喺街嗌大聲公,嗌嗌下有警察徘徊,但原來唔係話鄺生,而係埋伏喺燈柱後同鄺生嗰D易拉架後面,然後衝出黎捉衝燈D人,唔夠10分鐘,廿幾人中招(因為D差佬同黃腳太陰濕...呢段時間鄺生收聲無嗌)跟住,鄺生走去問個差佬當值到幾時,個差佬態度好差:「關你咩事?」

跟住鄺生笑笑口,然後爬上條梯,用大聲公:「各位街坊,大家好,元朗大馬路人車爭路,大家留心唔好衝紅燈,留意交通安全...」

D途人當堂留心到有差佬埋伏,個個乖乖,沿途仲比掌聲鄺生!@_@
成個過程我喺傍邊睇住晒,後尾個差佬好無癮收隊...
其實嗰度真係陰到好多人(住元朗知)...我見唔少D差佬成日喺度交數,今次呢個鄺俊宇...比個GOOD佢啦!!!(不過我唔係選民~)